Polis rəisi `Range Rover`li qadına görə işdən çıxarılıb? – Nazirlikdən açıqlama
16:01 07 Oktyabr 2016
Xəbər verdiyimiz kimi, Səbail rayon Polis İdarəsinin 39-cu Polis Bölməsinin rəisi Urxan Şirinov tutduğu vəzifədən azad edilərək 41-ci Polis Bölməsinin rəisi vəzifəsinə təyin olunub.
Xəbərin yayılması ilə sensasion iddialar da ortaya çıxdı. Belə fikirlər səsləndi ki, guya Urxan Şirinov Bakıda ``Range Rover``li qadının mühafizəçini döydürməsi məsələsinə görə tutduğu vəzifədən azad olunub.
Qeyd edək ki, hadisə məhz 39-cu polis bölməsinə məxsus ərazidə baş vermiş və hadisəni törədən şəxs həbs olunub.
Femida.az məsələyə aydınlıq gətirmək üçün Daxili İşlər Nazirliyi ilə əlaqə saxladı. DİN-in mətbuat xidmətinin rəis müavini Ehsan Zahidov Femida.az-a açıqlamasında bildirdi ki, yayılan iddialar əsassızdır:
“Birincisi Urxan Şirinov işdən çıxarılmayıb, o, cənab nazirin əmri ilə 41-ci polis bölməsinə rəis təyin olunub. İddialar isə kökündən yanlışdır və heç bir əsasa söykənmir”.
Ceyhun Əhmədli
Femida.az
Oxunub: 46798
Oxşar xəbərlər
- Polisi aldadanlar cərimələnəcək
- Polis əməliyyat keçirdi - Tutulanlar var
- Polis əməliyyat keçirdi - Tutulan var
- Polis Şöbəsinə mülki işçi axtarılır
- Polis əməliyyat keçirdi - Tutulanlar var
- Polis futbolçuları güllələdi – VİDEO
- Polis rəisi narkotikin zərərlərindən danışdı
- Polis Azərbaycan diaspor rəhbərinə zorakılıq etdi
- Polis intiharın qarşısını alıb
- Polis Şöbəsində saxlanılan şəxs özünə xəsarət yetirdi